第七艦隊登船故事2
Added 2019-04-30 02:46:47 +0000 UTC當我同呢個海軍神父傾緊鬼故嘅時候，在場三四個海軍不約而同咁表示佢哋泊喺招商局碼頭嘅時候，都聽到附近有鬧鬼嘅傳聞，就係對開嘅公眾殮房！我話係呀！真係估唔到美國佬都知道！之後個神父就表達係海軍服役到而家冇撞過鬼，但曾經有一次喺美國陪同一位主教前往某一個地方進行類似驅魔嘅事件，佢話行到一間屋嘅走廊，走到盡頭嘅時候，佢就親眼見到佢隔離企左個黑色嘅物體，主教知道佢見到，就話你唔好理啦，繼續跟我向前行！神父話果次佢都覺得好恐怖！但好可惜佢冇講俾我聽個事發地點喺邊度！唔通又係機密嘅？
